Në sallën e Kuvendit Komunal, gjatë ditës së sotme Kryetari i Komunës Imri Ahmeti ka bashkëbiseduar me banorët e lagjës “Avdi Avdiu”, në qytetin e Lipjanit, lidhur me evitimin e pengesave potenciale pronësore me qëllim të fillimit të punimeve në asfaltimin rrugës në këtë lagje.
Me këtë rast kryetari Ahmeti, i ka njoftuar të pranishmit lidhur me gjendjen e kufijve të rrugës në fjalë duke u bazuar në raportet e sektorëve përkatës Gjeodezisë dhe shërbimit Pronsoro- Juridik, në të njejtën kohë kreu i Lipjanit ka kërkuar nga të pranishmit që të arrihet marrëveshja për menjanimin e pengesave pronësore në mënyrë që sa më parë të fillojnë punimet në këtë rrugë.
Nga ana tjetër banorët e lagjes “ Avdi Avdiu”, pas disa bisedave të zhvilluara në këtë takim si dhe duke parë rëndësinë e asfaltimit të kësaj rruge u dakorduan që punimet për asfaltimin e kësaj rruge të fillojnë sa më parë.