Babai i Haaland dëshpëron Juven, Realin dhe Unitedin

 Babai i Haaland dëshpëron Juven, Realin dhe Unitedin

Babai i Erling Haaland ka insistuar që sulmuesi është i lumtur te skuadra gjermane Borussia Dortmund, dhe duke i ftohur skuadrat si Juventus, Real Madrid dhe Manchester United të cilët deshirojnë shërbimet e tij.

Sulmuesi norvegjez iu bashkua gjigantëve gjerman në janar të këtij viti për 30 milionë euro, dhe vetëm pas një viti shumë skuadra kanë shfaqur interesim për të, raporton Gazeta Express.

20-vjeçari ka qenë i lidhur me një kalim te skuadra italiane Juventus para transferimit të tij në Dortmund, por jo vetëm Juve, edhe Real Madrid e Manchester United kanë qenë të interesuara për të.

“Kur ju luani mirë, është e natyrshme që klubet e mëdha do të trokasin në derë, por këto javë vetëm spekulime”, u deklarua babai i Haaland.

“Ne kemi nënshkruar një kontratë afatgjate me Dortmundin dhe është një ekip fantastik për Erling në këto momente”.

“Nuk mund të dimë se çfarë do të ndodhë në të ardhmen. Unë mendojë që ai dëshiron të fitojë trofe me Borussian”, shtoi ai.

“Ky është synimi i tij. Erling mund të arrij shumë në Gjermani”.

Haaland ka kontratë me klubin gjerman deri në vitin 2024 ndërsa në vitin 2022 i aktivizohet klauzola e lirimit 75 milionë euro. /Gazeta Express/

LipjaniNews.com