Avokati Alex van der Zwaan ka pranuar se ka dhënë deklarata të rreme hetuesve nw hetimet ndwrmjet ekipit të fushatës zgjedhore të Donald Trump dhe Rusisë, shkruan Telegrafi.

Dokumentet e gjykatës akuzojnë Alex van der Zwaan, 33 vjeç, për të bërë deklarata të rreme kur janë pyetur për punën e tij për Ministrinë e Drejtësisë të Ukrainës.

Ai është personi i 19-të i akuzuar nga avokati special Robert Mueller, ku të premten e kaluar 13 rusë u akuzuan se kishin ngatërruar zgjedhjet e vitit 2016.

Ai është personi i gjashtë që pranon fajësinë apo është paditur nga ekipi i Muellerit.

Zwaan është akuzuar se ka gënjyer hetuesit lidhur me komunikimet që ka pasur me ish-ndihmësin e fushatës së Trumpit, Rick Gates.

Në kërkimet e Muellerit, ka shqetësime për punën e Zwaan në vitin 2012, në një kompani ligjore amerikane e cila ishte angazhuar nga ministria e Drejtësisë në Ukrainë, lidhur me gjykimin e ish-kryeministres, Yulia Tymoshenko.

Akuzat nuk përmendin fushatën presidenciale të Trumpit, në të cilën kanë punuar edhe Gates edhe shefi i tij, Paul Manafort.

Mirëpo pranimi i fajësisë nga ana e van der Zwaan, mund të rrisë presionin për Gates dhe Manafort që të bashkëpunojnë me ekipin e Muellerit.