Avokati kosovar, Arianit Koci ka shprehur ngushëllimet e tija lidhur me sulmin terrorist që ndodhi mbrëmë në Londër. Ai ka thënë se këtij akti nuk duhet t’ia mveshim asnjë fe. Koci thotë se terroristët tashmë kanë krijuar fenë e tyre.
“Çfarëdo lidhje e terrorizmit me fenë islame është jo i saktë, jo i drejtë dhe skajshmërish qëllimkeq. Terrorizmi është keqpërdorim i islamit, krishterimit dhe feve tjera monoteiste”, ka shkruar Koci.
Tutje ai është shprehur se aktet e tilla duhet të dënohen pa mëshirë me të gjitha mjetet ligjore.
“Terrorizmi është problem i të gjithë neve”, ka shkruar tutje avokati, Arianit Koci.
Ky është postimi i plotë i tij:
Terrorizmi si fe e re
Terroristët janë dhe duhet të trajtohen ashtu siç janë: persona të dhunshëm, skajshmërisht johuman, të cilët e përdorin dhunën dhe friken kryesisht për qëllime politike.
Prandaj, ndaj të njëjtëve duhet të përdoren të gjitha mjetet e parapara ligjore. Pa mëshire.
Çfarëdo lidhje e terrorizmit me fenë islame është jo i saktë, jo i drejtë dhe skajshmërish qëllimkeq.
Terrorizmi është keqpërdorim i islamit, krishterimit dhe feve tjera monoteiste.
Ndoshta, është besim i ri se përmes dhunës, terrorit dhe frikës arrijnë qëllime politike.
Feja islame e propagon mu të kundërtën e veprimeve që po i bëjnë terroristët.
Edhe fetë tjera e përjashtojnë dhunën.
Fatkeqësisht, shumica e terroristëve aktualë që bëjnë veprime të tilla i përkasin fesë islame. Por, fajtor nuk është feja. Fajin duhet kërkuar diku tjetër.
Në fakt, nëse dikush e ka dëmtuar fenë islame, janë mu këta terroristë, që shpesh herë e përdorin fenë për realizimin e qëllimeve politike.
Sidoqoftë, procesin e dekonspirimit, dhe “deislamizimit” të terroristëve duhet ta fillojnë vet myslimanët dhe të mbështeten nga të gjithë të tjerët.
Terrorizmi është problem i të gjithë neve


