Është publikuar kënga e shumëpritur nga këngëtarja Aurela Gaçe. Kënga mban titullin “ Merrem Sonte, teksti është shkruar nga Nexhip Sera, muzika dhe orkestrimi nga Adrian Hila.
“3.2.1……. Merrem Sonte më në fund një këngë tabani, e shkruar per natyren e zerit tim, kjo nuk është e vetmja janë shumë të tjera duke u pregatitur”, shkroi Aurela në profilin e saj në Facebook.

Videoklipi është realizuar nga Max Production dhe ajo falenderon të gjithë ata që i ndihmuan për këtë këngë. Aurela këtë këngë e cilëson si këngë e shkruar enkas për të dhe kënga karakterizohet me ritme popullore.

“Video e re më në fund me një këngë popullore te shkruar për mua. Deri më sot kam risjellë kengë te vjetra. Kam provuar të sjell një modë edhe duke marrë këngë polifonike e ti modernizoj duke futur ritmë e orkestër. Kjo ka ndodhur ne fillim të 1998 kur incizova albumet e para me këngë popullore, qytetare e polifonike. Tani erdhi koha , të jem pranë jush me krijime të reja popullore”, tha këngëtarja./LipjaniNews/