Po të mos ishte DeLorean DMC-12, Marty McFly dhe Emmet Brown sigurisht do të vozisnin veturën Aston Martin Bulldog në filmat “Back to the Future”.
Ekspozita e përvitshme Concorso d’Eleganza Villa d’Este, gjithmonë ofron vetura të bukura klasike dhe moderne – por Aston Martin Bulldog tejkalon çdo kufi, transmeton Telegrafi.
I prodhuar 43 vite më parë, por që ka një koncept pothuajse aktual. E pasi që është restauruar plotësisht, kjo veturë unike ka shkëlqyer në ngjarjen e sivjetme.
Dyert masive tërheqin më së shumti vëmendjen, ndërsa vetura mori çmimin Coppa d’Oro.
Bulldog është restauruar nga kompania britanike Classic Motor Cars, kurse i përket koleksionuesit Philip Sarofim.
U prodhua në vitin 1979, dhe e vë në lëvizje motori 5.3 litërsh V8 që prodhon 600 kuaj-fuqi.
Asokohe ishte një prej veturave më të shpejta serike në botë. /Telegrafi
