Ndihmon edhe te sëmundjet e gjëndrave tiroide, gastriti, i thati dhe pastron gjakun.

Kalciumi ka funksione të shumta të rëndësishme në punën e organizmit. Pos që krijon masën eshtërore dhe pengon osteoporozën, kalciumi normalizon punën e nervave dhe muskujve, rregullon të rrahurat e zemrës, nxit gjumin…

Gjithashtu është i rëndësishëm edhe për punën e qelizave imunologjike, si edhe për lëkurë dhe flokë të shëndetshme, transmeton Telegrafi.

Janë faktorë të shumtë të cilët nxjerrin kalciumin nga organizmi, pra ata janë, para së gjithash, qëndrimi i gjatë ulur, kafja, alkooli dhe pijet e gazuara.

Mungesë kalciumi posaçërisht kanë shtatzënat dhe femrat në menopauzë, meshkujt e moshuar si edhe personat të cilët vuajnë nga çrregullimet e metabolizmit.

Lëvozhgat e vezëve përmbajnë 90 për qind kalcium dhe janë burimi më i mirë natyral i këtij minerali. Trupi lehtë e absorbon, sepse lëvozhgat e vezëve, sipas përbërjes kimike, janë pothuajse identike me eshtrat dhe dhëmbët e njerëzve.

Në doza më të mëdha jo vetëm që shëron simptomat e mungesës së kalciumit dhe pengon zhvillimin e osteoporozës, por ndihmon edhe kundër kolesterinës së lartë dhe presionit të lartë të gjakut, gjithashtu nxit edhe palcën eshtërore të prodhojë qeliza të gjakut.

Veç kësaj, lëvozhgat e vezëve përmbajnë hekur, bakër, mangan, zink, flour, fosfor, krom dhe molibden. Për këtë shkak shumica e ekspertëve rekomandojnë bluarjen e lëvozhgave të vezëve si shtesë natyrale dhe shumë të suksesshme të kalciumit.

Varësisht nga mosha e personave, doza e rekomanduar ditore është 1,5 deri në 3 gramë të lëvozhgave të bluara të vezëve.

Si aplikohen lëvozhgat e vezëve për shërimin sëmundjeve të ndryshme:

Gjëndrat tiroide

Lëvozhgat e tetë vezëve lahen mirë, thahen, shtypen, u hidhet lëng i dy limonëve dhe lihen në frigorifer disa ditë. Kur lëvozhgat shkrihen, kullojeni lëngun dhe përzieni me një litër raki dhe një kilogram mjaltë. Lini të qëndrojnë shtatë ditë para se ta përdorni. Konsumohet nga një lugë, dy deri katër herë në ditë pas ushqimit.