Rregulla më të rrepta të emigracionit dhe dëbim më të shpejtë të azilkërkuesve të dështuar, është ajo çfarë ka kërkuar Kancelarja gjermane Angela Merkel.Kjo ka ndodhur si pasojë e një protestë publike mbi një vajzë 14 vjeçare gjermane, e cila u përdhunua dhe u vra nga një irakian në Mainz. Policia në rajonin e Irakut të Kurdistanit thotë se i dyshuari 20 vjeçar Ali Bashar ka pranuar vrasjen e Susanna Feldman
Njerëzit që jetojnë pranë Mainzit janë shprehur të tronditur nga ky rast. Ata kanë thënë se e cilësojnë të tmerrshme këtë ngjarje, se si një djalë 20 vjeç është i aftë të bëjë diçka të tillë.
” Unë jam plotësisht i tronditur, vërtet keq, shumë keq. Jam aq i lënduar nga ajo që ndodhi me Susanën, edhe unë kam fëmijë dhe do të ishte një dramë e plotë, nëse diçka e tillë do të ndodhte me vajzën time dhe fatkeqësisht po filloj të kuptoj urrejtjen ndaj të huajve, megjithëse ka mjaft prej tyre në Gjermani. Është gjë e keqe për të gjithë refugjatët që janë këtu, kur ndodh diçka e tillë”, ka thënë një banor, shkruan Euronews, transmeton Gazeta Express.
Iraku ekstradoi Basharin në Gjermani për t’u ballafaquar me pyetje. Ai erdhi fillimisht në Gjermani në kulmin e krizës së migrantëve të Europës në vitin 2015, kur Angela Merkel mirëpriti mbi një milion njerëz
