Vetëm një ditë pas premierës, blerësit e mundshëm nxituan të rezervojnë kopjen e tyre të Ford Bronco të ri.

Rivali i SUV Jeep Wrangler u zbulua natën midis të hënës dhe të martës dhe Ford hapi një faqe për të porositur Broncon e ri menjëherë pas premierës, transmeton Telegrafi.

Duke gjykuar nga reagimet e para të klientëve, duket se prodhuesi amerikan ka goditur “në qendër të objektivit” me SUV-in e tij të ri.

Përkatësisht, menjëherë pasi Bronco u prezantua në publik, klientët amerikanë nxituan të bëjnë një rezervim, kështu që faqja ishte e ngjeshur dhe u bllokua për një moment.

Të gjithë ata që janë të interesuar të blejnë një Ford SUV të ri duhet të bëjnë një depozitë prej 100 dollarësh pas regjistrimit.

Blerësit e mundshëm kanë dy modele, ku njëri kushton 28.500 dollarë dhe tjetri 33.200 dollarë.

Kopjet e para do t’u dorëzohen pronarëve në pranverën e vitit 2021.