Gazeta Express merr vesh se lideri i Vetëvendosjes ka shkuar para dy orëve në shtëpinë e Mustafës dhe po vazhdon të qëndrojë aty.

Nuk dihet se për çka janë duke folur Kurti dhe Mustafa, megjithatë vetë lideri i VV-së ka treguar se kohëve të fundit e ka vizituar disa herë kreun e LDK-së.

Express ka kontaktuar Zyrën për Informim të Vetëvendosjes, por nga aty nuk kanë dhënë informata rreth këtij takimi.

Ndërkaq Mustafa dje ka mbajtur mbledhje me Grupin Parlamentar të partisë, më vonë edhe me kryesinë e LDK-së. Pas kësaj mbledhjeje ata përsëritën se nuk marrin pjesë në protestën e organizuar më 29 shtator.

Protesta e Vetëvendosjes me sloganin “Një popull nuk i nënshtrohet një njeriu” po organizohet me qëllim të kundërshtimit të Presidentit Hashim Thaçi dhe idesë së tij për ndryshimin e kufijve. /Express/