Një gjeneral iranian ka pretenduar që Izraeli po ua vjedh retë nga qielli Iranit në mënyrë që të shkaktojë thatësirë dhe krizë në Republikën Islamike, shkruajnë mediat ndërkombëtare.
Gjenerali i brigradës Gholam Reza Jalali ka ngritur dyshime pas ndryshimeve të pazakonshme klimatike, duke hedhur fajin te Izraeli përmes një akuze spektakolare.
“Ndërhyrjet nga shtetet e huaja dyshohet të kenë pasur rol në ndryshimet e klimës”, tha Jalali, duke insistuar që Irani ka dëshmi shkencore për ndërhyrjet e supozuara, transmeton gazetametro.
“Izraeli dhe një shtet tjetër i rajonit po bashkëpunojnë në punën për të mos lejuar retë që të hyjnë mbi qiellin e Iranit dhe që të mos lejojnë reshje atmosferike”, shtoi Jalali.
Megjithatë, shefi i meteorologjisë në Iran hodhi dyshime mbi këtë dyshim të gjeneralit, duke thënë që vjedhja e reve është paksa e pamundur.
