Romani “Aksidenti” pritet t’i dhurojë Ismail Kadaresë një çmim të rëndësishëm letrar në vargun e gjatë të vlerësimeve ndërkombëtare.

Botuesi i shkrimtarit në Poloni, njofton se romani i Kadaresë është renditur në fazën e gjysmëfinales mes 14 librave të nominuar këtë vit për çmimin “Angelus”, një çmim që jepet çdo vit për librin më të mirë nga Letërsia e Europës Qendrore.

“Aksidenti” u botua në Poloni vitin që shkoi e përkthyer nga gjuha shqipe prej përkthyeses së njohur Dorota Horodyska.

Një vit pas botimit të “Aksidentit”, në Poloni sapo është botuar romani tjetër i Kadaresë “Darka e gabuar”.

Çmimi “Angelus është themeluar në vitin 2005, dhe pjesëmarrësi i parë shqiptarë në të ishte shkrimtari Luan Starova me romanin e tij “Koha e dhive”.

Ndërsa Kadare është përfshirë në këtë garë në vitin 2007 me romanin e tij “Pallati i ëndrrave” dhe në vitin 2011 me vëllimin me novela “Qorrfermanin” dhe në të dy rastet ka shkuar deri në finale. / KultPlus.com