Para pak çastesh në Komoran përballë “Hib Petrollit”, ka ndodhur një aksident zinxhir rrugor. Ku për pasojë janë aksidentuar disa vetura.
Forca të shumta të policisë kanë dalur në vend të ngjarjes për ta drejtuar komunikacionin dhe për të bërë hetime të mëtutjeshme në lidhje me aksidentin. Po ashtu në vend të ngjarjes ka edhe automjete (merimanga) të cilat kanë shkuar për të bërë barjten e veturave të aksidentuara.
Baki Kelani, zëdhënës i Policisë së Kosovës, për “zeri.info”, ka konfirmuar se që nga orët e pas ditës e deri më tani kanë ndodhur 9 aksidente në vendin tonë.
“Që nga orët e pasdites deri në orët e vona të mbrëmjes kanë ndodhur gjithësej 9 aksidente, prej tyre dy kanë qenë me lëndime të lehta dhe 7 me dëme materiale. Policia e Ksoovës apelon tek të gjithë pjesmarrësit në komunikacion, e në vençanti tek ata që shfrytëzojnë autostradën “Ibrahim Rugova”, që të kenë kujdes më të shtuar në rrugë dhe t’ju përshtaten kushteve atmosferike në mënyrë që t’ju shmangen pasojave apo aksidenvete”, ka deklaruar Kelani për “Zeri.info”
