(I plotësuar 17:30)- Ahmeti tha se personi që është goditur nga vetura është fëmijë dhe ka pësuar lëndime trupore, raporton lajmi.net.
“Rreth orës 15:00 ka ndodhur një aksident, në të cilin janë të përfshirë një automjet dhe një këmbësor (fëmijë), i cili ka pësuar lëndime trupore”, tha ajo.
Sipas Ahmetit, ngasësi i automjetit është duke u mbajtur në stacion policor.
“Me urdhër të prokurorit, ngasësi i automjetit momentalisht është duke u mbajtur në stacion policorë të Lipjanit”, tha Ahmeti për lajmi.net.
……………
Sot në mesditë ka ndodhur një aksident në Lipjan, një automjet dyshohet se ka shkelur një fëmijë, në ‘zebra’, fëmija dyshohet se është vajzë e vogël, por nuk dihen detaje të tjera.
Një lexues i ka dërguar disa fotografi në portalin lajmi.net, ku shihet se policia dhe ambulanca ka dal në vendin e ngjarjes dhe janë duke u marrë me rastin, shkruan lajmi.net.
Gjithashtu në fotografi shihet se në ‘zebra’ kanë mbetur njollat e gjakut nga aksidenti. /Lajmi.net/