Kryetari Komunës së Lipjanit, Imri Ahmeti u është përgjigjur akuzave të PDK-së kinse rreth-rrotullimin tek udhëkryqi Lipjan-Magurë-Shtime është projekt i PDK-së i viti 2012.
Ahmeti tha për LipjaniNews se ky është një projekt i hartuar dhe i futur në buxhet me kërkesë të tyre.
“Është buxhetuar për vitin 2017, gjithashtu shumë shpejt do të nis edhe rreth rrotullimi të udhëkryqi i rrugës, Prishtinë- Shkup – Janjvë që pritet brenda këtij muaji të filloi”, tha Kryetari Ahmeti.
“Ndryshe dy mandate kanë pas pushtet e po ti kishin mandat edhe 10 vjetë nuk do ta bënin, e kanë pas rastin por nuk e kanë bërë”, pohoi Ahmeti.
“Asnjëherë e as në vitin 2012 nuk ka pas mjete buxhetore të parapara as të aprovuara, nuk ka pas as publikim tenderi as kontrat, ndoshta në mendje dhe në propaganda e kanë pas si agjitacion propagandistik por si proces, si projekt asnjëherë”, shtoi ai.
/LipjaniNews.com/
