Ahmeti për krizën energjetike: Nuk iket nga përgjegjësia kur përkeqësohet gjendja

PUBLIKUAR

Ish-kryetari i Prishtinës, Shpend Ahmeti ka reaguar lidhur me krizën energjetike në vend për çka kryeministri Albin Kurti ka fajësuar qeveritë e kaluara.

Ahmeti përmes një postimi në Facebook tha se e dijmë se qeveritë e kaluara e kanë lënë shumë keq, por shtoi se nuk iket nga përgjegjësia nëse përkeqësohet gjendja.

Ai shtoi se regresin nuk mund ta shpjegojsh me punën e qeverive të 20 vjetëve të fundit.

“Mungesën e progresit mundesh me shpjegu me punën e qeverive të ndryshme 20 vjetet e fundit, por jo edhe regresin! Për që nuk përmirësohet gjendja e dijmë që e kanë lënë shumë keq ata tjerët, por që përkeqësohet gjendja nuk iket nga përgjegjësia”, ka shkruar Ahmeti.

Ndryshe, Kurti kishte deklaruar se e kanë gjetur shtetin përtoke që gjakonte në të gjitha anët “e tërësisht i papargatitur për sfidat e shekullit 21”.

“Unë e kuptoj frustrimin e qytetarëve me mungesën e energjisë elektrike, më besoni se edhe unë jam i frustrutar, por le të jetë ky një rikujtim për gjendjen në të cilën ata që qeverisën për dy dekada na lanë shtetin sepse si njerëz të territ që ishin që punët i bënin natën e larg syrit të qytetarëve ata s’kishin se si ta lenin Kosovën ndryshe pos në terr, por ajo epokë ka përfunduar”, kishte deklaruar mes tjerash kryeministri.

 

 

SHIKO MË SHUMË

Erëra të forta dhe reshje shiu, ky do të jetë moti sot në Kosovë

Instituti Hidrometeorologjik i Kosovës (IHMK) ka paralajmëruar se dita e sotme, e enjte, do...

‘‘UÇK, UÇK’’, thirrjet e qytetarëve teksa Jakup Krasniqi largohet nga shtëpia pas vizitës në Kosovë

Jakup Krasniqi ka përfunduar vizitën e tij që e zhvilloi sot në Kosovë. Krasniqi qëndroi...

Presidentja reagon pas aktgjykimit të Speciales, ngrit shqetësime për respektimin e të drejtave të palëve

Presidentja Justina Shiroka-Pula ka regauar pas shpalljesa së aktgjykimit e sotëm në Dhomat e...