Kryetari Komunës së Lipjanit Imri Ahmeti u ka ndarë mirënjohje futbollistëve të klubit “Ulpiana” në Lipjan me rastin e Ditës së Çlirimit të Lipjanit.

Me këtë rast Kryetari Ahmeti, ka uruar përfaqësuesit dhe lojtarët e klubit futbollistik “ Ulpiana”, për suksesin e arritur, duke shpresuar që në vitin e ardhshëm të kualifikoheni edhe në superligë për të sjellë fitore të shumta për Lipjanin, në të njëjtën kohë, Kryetari Ahmeti, K.F “ Ulpiana”, ju ka premtuar mbështetje institucionale nga ana e komunës.

I pari i Lipjanit po ashtu ka nderuar përfaqësuesit dhe gjithë lojtarët e klubit futbollistik “Ulpiana”, me nga një mirënjohje për kontributin e dhënë në ligën e parë të Kosovës./LipjaniNews/