Mino Raiola, agjenti i sulmuesit Mauro Icardi, e ka kontaktuar Manchester Unitedin rreth një transferimi të mundshëm të asit të Interit në verë, raporton gazeta italiane “Corriere dello Sport”.
Për 25-vjeçarin kanë shfaqur interesim shumë gjigantë evropianë, pas sezoneve të fundit mbresëlënës që argjentinasi ka pasur me Interin në Serie A, transmeton Gazeta Express.
Icardi i ka shënuar plot 27 gola deri tani në ligën elitare italiane, vetëm dy më pak se top golashënuesi, Ciro Immobile.
Unitedi është mjaft i interesuar, por Real Madridi dhe Paris Saint-Germaini e duan bomberin argjentinas, po ashtu.
Icardi ka klauzolë lirimi në vlerë 110 milionë euro. /Express/
