Janë publikuar pamjet e para pas tërmetit të fuqishëm në Kili.
Në video dhe fotografi të publikuar pas tërmetit mund të shihen rrugë të shkatërruar, përfshirë dhe dekorime të Krishtlindjes.
Tërmet i fuqishëm 7.7 ballësh, e goditi sot Kilin, duke shkaktuar kështu edhe paralajmërim për një tsunami të mundshëm.
Tërmeti goditi 225 kilometra në jugperëndim të Puerto Montt, në jug të Kilit, njofton Shërbimi Gjeologjik i SHBA-së, transmeton Express.
Epiqendra e tërmetit ishte në një thellësi prej 15 kilometrash.
Zyra e Kilit për Emergjenca Kombëtare e ka bërë një paralajmërim dhe ka urdhëruar evakuimin e zonave bregdetare në rajonin Los Lagos.
“Si masë parandaluese, ne urdhërojmë evakuimin e zonave bregdetare të Bibios, Araucania, Los Rios, Aysen,” thuhet në paralajmërim./Express/
