Ato sot në sekretarinë e Kuvendit të Kosovës e kishin dërguar një kërkesë për shpërndarjen e shkresave deputetëve, peticionin e tyre për seancë të jashtëzakonshme, por siç edhe u debatua në seancë për rastin e tyre, ato kishin hezituar të nënshkruhen dhe të identifikohen.
Pas ngritjes së kësaj çështje nga kryeparlamentari Veseli në seancë, ku hovshëm reagoj Donika Kadaj-Bujupi në mbrojtje të tyre, u krijua edhe një moment aq sa është qesharak, është edhe real, sepse u dekonspirua koordinimi i këtyre organizatave joqeveritare me Lëvizjen Vetëvendosje.
Veseli, ndër të tjera, e pyeti deputeten e Vetëvendosjes, Donika Kada-Bujupaj, se ku po e dinë ti këtë çështje?
Hiç më larg se 20 minuta pas këtij debati, kjo shoqëri civile e Vetëvendosjes, e ka dërguar sërish letrën e njëjtë në sekretarinë e Kuvendit të Kosovës, me nënshkrimet e tyre, kurse pak minuta pas dorëzimit, mori fjalën në Kuvend, deputetja tjetër e Vetëvendosjes, Abulena Haxhiu, e cila kërkoj që këto shkresa t’u shpërndahen deputetëve.
Lajmi.net ka siguruar dy letrat që këta pjesëtarë të shoqërisë civile i kanë dorëzuar gjatë mbajtjes së seancës së sotme.
Ky grup i njerëzve të shoqërisë civile ka kohë që tërësisht është vënë në shërbim të Lëvizjes Vetëvendosje, derisa me legjislacionin që rregullon veprimtarinë e shoqërisë civile aktivitetet politike në përkrahje të subjekteve politike janë të ndaluara. /Lajmi.net/
