Kjo seancë është thirrur pasi koalicioni LDK-PDK ka arritur të mbledhë 40 nënshkrimet e nevojshme për mbajtjen e një seance plenare. Por, në fillim të seancës janë para rreth 30 deputete, ata të LDK-së nuk janë të pranishëm në sallë, shkruan lajmi.net.
Në fillim të fjalës, shefi i Grupit parlamentarë të PDK-së, Zenun Pajaziti ka thënë se kanë hezituar që të bëhet debati kur ia kërkuar Vetëvendosjes pasi kanë dashur që të kenë rezultate edhe nga mjekësia ligjore. “Sot ftojmë që të diskutojmë sa më pak politikisht apo për agjenda politika. Shprehim besimin tonë që organet e drejtësisë të bëjnë punën e tyre. Ne si grup parlamentar jemi të gatshëm të bashkëpunojmë dhe të japim kontributin tonë që të zgjidhet e vërteta se çfarë ka ndodhur më Deharin”, tha Pajaziti. /Lajmi.net
