Të paktën 14 persona kanë humbur jetën në një aksident në të cilin u përfshinë një autobus dhe një kamion-cisternë, në një autostradë në perëndim të Afganistanit, njoftojnë zyrtarët vendorë.
Më shumë se 40 të tjerë janë lënduar në këtë aksident që ndodhi sot, ka thënë zëdhënësi i guvernatorit të provincës Farah, Mohammad Naser Mehri, transmeton Express.
Autobusi po udhëtonte prej provincës perëndimore Herat drejt kryeqytetit afgan, Kabul.
Ende nuk dihet se si ka ndodhur aksidenti.
“Rreth dhjetëra të lënduar janë në gjendje të rëndë,” ka thënë Mehri./Express/
