Ministria e Jashtme e Gjermanisë ka shprehur zemërim me vendimin e Turqisë që t’ua ndalojë festimin dhe këndimin e këngëve të krishtere gjatë Krishtlindjeve në një shkollë gjermane në Turqi.
Agjencia gjermane e lajmeve “DPA” raporton se ministria gjermane ka thënë sot se nuk e kupton vendimin e habitshëm të administratës së shkollës, transmeton Express.
Sipas DPA, administratorët turq në shkollën e Stambollit “Lisesi”, një shkollë e mesme gjermane e themeluar para më shumë se 100 viteve, njoftoi se traditat e Krishtlindjeve dhe festimi me këngë nuk do të jetë më pjesë e planit mësimor.
Ministria e Jashtme e Gjermanisë ka thënë se vendimi është për të ardhur keq dhe se do të kërkojë dialog me partnerët turq për këtë incident.
Rreth 35 mësimdhënës gjermanë punojnë në këtë shkollë në Stamboll, e cila merr miliona euro subvencione nga Gjermania. Shumica e studentëve në këtë shkollë janë turq./Express/
