Recetën për përgatitje të shurupit i cili “shkatërron” sekrecionin e dendur dhe qetëson kollën e ka ndarë me ne nëna Gabriela Racz.

Nëse jeni ithtar i ilaçeve nga natyra dhe dëshironi t’i ndihmoni vogëlushit tuaj, i cili vazhdimisht kollitet, po ju japim një recetë shtëpiake për përgatitje të lëngut, i cili eliminon sekrecionin nga organizmi dhe lehtëson frymëmarrjen,  transmeton Telegrafi.

Për këtë ilaç nevojiten:

– 10 lugë supe sheqer,
– 7 fletë dafine,
– Sherbelë (Sallvia officinalis) sa mund të kapësh me një gisht,
– 2 dl ujë.

Përgatitja:

1. Sheqerin fërgojeni (karamelizojeni) dhe qiteni në ujë.

2. Kur të bashkohen uji dhe sheqeri, shtoni fletën e dafinës dhe sherbelën.

3. Zieni derisa të përftohet përbërje e ngjitshme (kur e prekni, t’ju ngjitet pak në gishta).

4. Kullojeni dhe ktheni përbërjen të vlojë edhe një herë.

5. Sapo të vlojë, menjëherë hiqeni nga shporeti.

Përdorimi:

Fëmijët: E pinë tri herë në ditë nga një lugë kafeje.

Të rriturit: Tri herë në ditë nga një lugë supe.

/Telegrafi/