Një pilot i paemëruar ka pësuar sulm në zemër, sapo e ka nisur fluturimin me aeroplan në aeroportin e Glasgow të Skocisë.
Kapiteni i fluturakes KLM nuk është ndjerë mirë, derisa po bëhej gati të lëshonte pistën për të udhëtuar drejt Amsterdamit të Holandës, transmeton Telegrafi.
Mirëpo, ai është ndihmuar nga stafi, si dhe një pasagjer në bord, që kishte njohuri në drejtimin e aeroplanit.
Forcat e rendit që shërbejnë në aeroport, kanë ndihmuar që piloti holandez të zbres dhe të dërgohet në autoambulancë.
Pasi është dërguar në spital, ai i është nënshtruar disa kontrolleve dhe trajtimeve mjekësore, ndërsa gjendja tij është në gjendje të mirë.
Sikur gjendja tij të përkeqësohej vetëm pak qaste më vonë, fati i 128 njerëzve në bord, do të kishte qenë në rrezik të madh.
“Derisa po bëhej gati të ngihej, ai ka humbur vëmendjen dhe nuk ndihej si duhet. Për fat të mirë, stafi dhe një pasagjer e kanë ndihmuar, duke e shpëtuar situatën”, ka thënë zëdhënësi i kompanisë ajrore lidhur me rastin.
