Presidenti i Afrikës Jugore, Jacob Zuma, i ka shpëtuar sot një tentim brenda partisë së vet qeverisësë, ANC, për ta rrëzuar nga posti i presidentit të vendit, zyrtarët e kësaj partie kanë thënë në një konferencë për media.
Gjatë një takimi të Komitetit Nacional Ekzekutiv të kësaj partie (KNE), javën e kaluar, disa anëtarë të partisë dolën me mocion për ta larguar Zuman nga posti i presidentit, pas një serie të skandaleve të dyshuara për korrupsion, transmeton Express.
Zëdhënësi i ANC-së, Zizi Kodwa, i ka kritikuar mediat që kishin raportuar rreth këtij takimi, në të cilin, sipas tij, u mblodhën 80 anëtarët të KNE-së për të diskutuar për fund vit.
Ai e ka përshkruar takimin si të zakonshëm.
Por, Gwede Mantashe, sekretari i përgjithshëm i KNE-së të ANC-së, e konfirmoi se mocioni për rrëzimin e Zumas ka ekzistuar, dhe se ishte debatuar rreth tij hapur dhe kryekëput.
“KNE nuk e ka përkrahur thirrjen për rrëzimin e presidentit Zuma”, ka thënë ai, duke shtuar se asnjë zyrtar nuk e ka votuar mocionin.
