Kështu u tha në konferencën me temë “Sfidat e sigurisë globale” mes gjeneralëve gjermanë që kanë vepruar në Kosovë, Karl-Heinz-Lather, Volker Halbauer, Klaus Reinhard dhe prof. dr. Bengt Beutler, shkruan sot Gazeta “Zëri”.

Gjeneralët gjermanë vlerësuan se dështimi i presidentit të porsazgjedhur në SHBA, Donald Trump, nuk do të thoshte dështim vetëm për Amerikën, por edhe për Evropën e Ballkanin.

Njohësit e çështjeve të sigurisë kanë vlerësuar se jostabiliteti në Amerikë nënkupton jostabilitet në botë, kurse para vetes na pret një vit shumë interesant që s’do të ketë vend për befasia pas asaj “Trump”.

Gjenerali në pension Karl Heinz-Lather, në fjalën e tij vlerësoi se Evropa është duke pësuar ndryshime të mëdha në strukturës e saj.

Sipas tij, zhvillimet e politikës amerikane do të ndikojnë edhe në politikën evropiane.