Tesla ka bërë të ditur se pas dy vitesh do ta lansojë makinën elektrike, me hapësirën e pasme për mallra të ndryshme. Por, është një kompani shumë më e vogël që ka njoftuar se do ta krijojë një veturë që punon komplet me rrymë e që e ka edhe këtë mundësi, transmeton Telegrafi.

Workhorse i ka bërë të ditura planet, si dhe konceptin e modelit W-15 të gjerë që do ta lansojë në fillim të vitit 2018.

Në këtë formë, ky ‘pick up’ pritet të jetë para se të lansohet ai nga Tesla.

Pos që do të ketë teknologji të lartë, makina për pesë persona ka aftësi të mëdha të tërheqjes me katër rrotë, duke e bërë që të mos ngecë në baltë. /Telegrafi/