Ish-kryeministri i Maqedonisë dhe kryetari i OBRM-PDUKM-së, Nikolla Gruevski, sot nuk do të jetë i qetë pasi nëpër Shkup janë shkruar grafite ofenduese për të, ku i përmendet edhe burgu i Idrizovës, apo ndryshe siç quhet ”Shutka”, përcjell Telegrafi Maqedoni.

Në shkarravinat nëpër Shkup shkruhet ”Mos u shqetëso Grujo se përderisa është Nirvana, harxhimet e rrugës deri në Shutkë do t’i paguaj Boneva Silvana”.

Në këtë grafit përmendet edhe ish-deputetja e OBRM-PDUKM-së, Silvana Boneva, e cila njihet për harxhimet e rrugës që i merr si kompensim nga shteti për vajtje-ardhjet në punën e Kuvendit të Maqedonisë./Telegrafi/