Kryeministri i Serbisë, Aleksander Vuçiq, ka shprehur dyshime mbi akuzat për terrorizëm ndaj të arrestuarve serbë në Mal të Zi, përfshirë edhe ish-shefin e Xhandarmërisë, Bratisllav Dikiq

“Zoti Dikiq për çdo ditë është kundër pikëpamjeve të Qeverisë së Serbisë, por unë do të doja të dëgjoja informacione serioze se ai ka qenë duke planifikuar akte terroriste”, ka thënë Vuçiq, shkruan “Tanjug”, transmeton “Lajmi.net”.

Vuçiq shtoi se duke u bazuar në informacionet që ka nga shërbimet serbe, personalisht nuk beson në këto akuza.

“Unë do të doja të arrestoja disa njerëz në Zubin Potok, duke mos u bazuar në deklaratat e komandantit të Policisë shqiptare, Selimaj, dhe kam frikë se ne kemi evidenca, por kjo nuk mendoj se do të ishte serioze”, ka thënë kryeministri serb.

Ai shtoi se asnjëherë nuk ka pasur indikacione se Dikiq ka pasur aktivitete terroriste.