Kryetari i Komunës së Lipjanit, Imri Ahmeti, sot ka qëndruar në hapësirat e MMPH-së, ku është pritur nga ushtruesi i detyrës së Ministrit në Ministrinë e Mjedisit dhe Planifikimit Hapësinor, Ferat Shala, ata bashkarisht kanë nënshkruar Marrëveshje të Mirëkuptimit për financimin e vazhdimit të projektit “Hapja dhe pastrimi i shtratit të lumit Sitnica”, projekt me të cilin MMPH do të financoj me 65 mijë euro.
Me këtë rast, Kryetari i Komunë së Lipjanit, Imri Ahmeti, dhe ushtruesi i detyrës së Ministrit në Ministrinë e Mjedisit dhe Planifikimit Hapësinor, Ferat Shala, vazhdimin e këtij projekti të përbashkët e kanë cilësuar si shumë të rëndësishëm për Komunën e Lipjanit e sidomos për ato fshatra cilat janë janë vërshuar nga lumi Sitnica sa here që ka pasur të reshura.

Kryetari Ahmeti, po ashtu ka falënderuar u.d. ministër i kësaj ministrie, Ferat Shala, për mbështetjen dhe bashkëpunimin e vazhdueshëm, sidomos në projekte të përbashkëta, me të cilat projekte po përmirësohet çdo ditë e më shumë jeta dhe mirëqenia e qytetarëve lipjanas.
Ndërsa u.d. së Ministrit MMPH-së ka thënë se me ralizimin e këtij projekti po mundohemi të parandalojmë vërshimet e mundshme të lumit Sitnica nga të reshurat e here pas hershme.