Kryetari i Komunës së Lipjanit, Imri Ahmeti, sot ka pritur në një takim ambasadoren e Francës në Kosovë, Maryse Daviet, me të cilën ka biseduar për mundësinë e bashkëpunimit në mes të Komunës së Lipjanit dhe shtetit të Francës.
Me këtë rast, Kryetari Ahmeti e ka njoftuar ambasadoren, Maryse Daviet, rreth angazhimit të qeverisjes lokale në zhvillimet e Komunës së Lipjanit. Po ashtu ai e ka përmendur Lipjanin si një komunë me kapacitet të lartë për zhvillim ekonomik me theks te veqant per zhvillimin e bujqësisë. Në të njejtën kohë, Kryetari Ahmeti ka paraqitur si problem vërshimet që ndodhin gjithmon pas reshjeve në Komunën e Lipjanit dhe menaxhimin e ujërave të zeza, njoftoi Komuna e Lipjanit
Pasi e ka vlerësuar lartë angazhimin e deritashëm të qeverisjes lokale për zhvillimin e gjithmbarshëm të Komunës së Lipjanit, ambasadorja franceze, Maryse Daviet, e ka njoftuar Kryetarin Ahmeti me kapacitetet dhe mundësitë që i ka Franca dhe kompanitë e ndryshme nga ky shtet, duke e përmendur edhe një kredi që ka ofruar Shteti i Francës për Kosovën ku në këtë rast edhe Komuna e Lipjanit do të jetë përfituese, e cila kredi mbulon fushat e menaxhimit të ujërave të zeza