Hoxha i Xhamisë së Lipjani, Skender Mehmeti, nëpërmjet një letre ka uruar besimtarët myslimanë me rastin e Kurban Bajramit.

Në urimin thuhet se Festa e Kurban – Bajramit na sjellë mënyrën më të mirë për mësimet hyjnore për barazi, drejtësi, unitet, solidaritet, bamirësi e sakrificë, parime këto që bëjnë njerëzimin të reflektoj në të mirën dhe në atë që e do Krijuesi i gjithësisë, transmeton LipjaniNews.com

Me rastin e festës së Kurban Bajrami në Emër të Xhamisë së Lipjanit dhe në emrin tim personal të gjithë besimtarëve islam i uroj festën e Kurban Bajramit duke dëshiruar që mes nesh të mbretëroj Dashuria, Solidariteti, Tolerance e Uniteti sepse vetëm në ketë mënyrë do të jemi të lumtur.

“Bajrami të cilin e përjetojmë me mëshirën dhe dëshirën e Zotit, është edhe një rast që ti falënderohemi Atij që po mundemi të jetojmë nën rrezet e besimit tonë, ti gëzohemi njëri tjetrit dhe ta ndajmë dashurinë mes vete Duke ju dëshiruar gëzime dhe lumturi në këto ditë Bajrami, i ftoj të gjithë besimtarët islam, si edhe të gjithë njerëzit tjerë me vullnet të mirë që të kultivojnë vlerat njerëzore e civilizuese, dashurinë ndaj familjes dhe miqve e fqinjëve, të respektojnë konceptin universal e të nderojnë ndryshimet me të cilat na ka karakterizuar Allahu. Kam kënaqësinë, që , të ju uroj të gjithëve Festën e Kurban Bajramit dhe bashkë me ju të ndaj gëzimin dhe dashurinë që sjell për ne kjo festë e madhërishme. Hoxhë:Skender Mehmeti”, thuhet në urim, transmeton LipjaniNews.com