Në vazhdën e vizitave të Kryetarit Imri Ahmeti në lokalitet e Komunës së Lipjanit me qëllim të bashkëbisedimit të drejtë për drejtë me qytetarët lidhur me projeksionet buxhetore për vitin 2017-2019.
Kryetari Ahmeti së bashku me disa drejtorë të Drejtorive komunale, gjatë pasditës së djeshme kanë zhvilluar dëgjimet publike për buxhetin me banorët e fshatrave Magurë, Qylagë, Blinajë Medvec, Leletiq, Vrellë, Mirenë.

Me këtë rast, kreu i Lipjanit, banorëve të këtyre fshatrave u ka thënë se ka ardhur që nga afër të ndëgjoj problemet me të cilat ballafaqohen banorët e kësaj zone, me qëllim që gjitha propozimet dhe kërkesat e dalura nga këto takime të merren parasysh gjatë hartimit të projekt buxhetit të vitit 2017-2019.

Edhe drejtori i Drejtoratit për Buxhet dhe Financa, Shkelzen Hajdini, i ka njoftuar qytetarët, për projekt buxhetin vitin 2017 duke u ndalur kryesisht tek projeksionet buxhetore që lidhen me investimet e komunës në shumë fusha. Më pastaj, qytetarët kanë adresuar kërkesat e tyre që kryesisht kishin të bënin me investimet në infrastrukturë, si në kanalizime, rrugë, infrastrukturë shkollore, transport, projekte sportive.