Kryetari i Komunës së Lipjanit, Imri Ahmeti reagon ashpër ndaj Agjensionit për Regjistrimin Civil si dikaster i Ministrisë së Punëve të Brendshme për mosfurnizim me formular për çertifikata në shërbimin civil, pikërisht në kohën kur ka një fluks të madh të kërkesave nga bashkatdhetarët tonë
Kryetari Ahmeti, ka shprehur shqetësimin e tij se Ministria e Punëve të Brendshme nuk na furnizon me formular për çertifikata dhe ky problem është përcjell 2 vite rresht, pikërisht në kohën kur vijnë bashkatdhetarët tonë, kjo është një papërgjegjësi e ARC-së e më pastaj edhe ministrisë në fjalë dhe se dikush duhet dhënë llogari për këto veprime, mosveprime të vazhdueshme, njofton Komuna e Lipjanit.
Kreu i Lipjanit, Imri Ahmeti, po ashtu ka theksuar se në suaza të kompetencave tona kemi shtuar orarin e punës dhe jemi mobilizuar që ti kryejmë shërbimet me kohë ndaj qytetarëve. Andaj edhe përkundër përpjekjeve tona që të ofrojmë shërbime sa më të mira dhe sa më të shpejta ne kërkojmë mirëkuptimin e qytetarëve tonë për këto veprime, mosverpime të papërgjegjshme të institucioneve të lartëpërmendura, thuhet në reagim. /LipjaniNews.com/