Breshëri që ka rënë me datë 01.08.2016 në orët e pasditës ka shkaktuar dëme të konsiderueshme në sektorin e bujqësisë në territorin e Komunës së Lipjanit duke dëmtuar sipërfaqe të mëdha të mbjellura me misër, pemë dhe perime.
Sot gjatë tërë ditës një ekip nga Drejtorati i Bujqësisë dhe Pylltarisë ka dalur në terren për të parë nga afër dëmet që janë shkaktuar. Fshatrat ku breshëri ka rënë në sasi dhe kohëzgjatje më të madhe janë:, Hallaq i Madh, Hallaq i Vogël, Rufc i Ri, Ribar i Madh, Ribar i Vogël, Poturovci, dhe Torina ku edhe dëmet janë më të mëdha.
Fermerët tashmë kanë filluar të raportojnë për dëmet që u janë bërë.
Pas mbledhjes përfundimtare të të dhënave nga terreni Komisioni për vlerësim të dëmeve do të bëjë një raport të cilin do të ja drejtoj Ministrisë së Bujqësisë së bashku me kërkesën për kompensim të dëmeve, shkruan Feti Krasniqi, Drejtor i Bujqësisë në Lipjan./LipjaniNews.com/