Policia Rajonale e Prizrenit, përmes një komunikate për media, ka njoftuar se rreth orës 01:00 të mesnatës, në një pikë kontrolli në rrugën “Adem Jashari”, policia e ka ndaluar një automjet të llojit BMË me targa të huaja është gjetur një pistoletë e llojit ‘Grizzly’ me dy fishekë në karikator, njofton Gazeta Express.
Tre të dyshuar janë shoqëruar deri në stacion ndërsa i katërti ka ikur në drejtim të panjohur por i njohur për policinë.
Gjatë kontrollit të detajuar në portofolin e njërit nga të dyshuarit janë gjetur dy bankënota në vlerë secila prej 200 eurove pa numër serik që dyshohet të jenë të falsifikuara.
Lidhur me rastin është informuar prokurori i shtetit i cili ka urdhëruar që dy të dyshuarit të ndalën nën masën e arrestit. Ndërsa hetuesit po punojnë për arrestimin e të dyshuarit të katërt.
