Auto News i ka publikuar disa fotografi, që e shfaqin atë që mendohet të jetë modeli i ri nga Alfa Romeo.

Kjo super-veturë që është dizajnuar nga ‘Breshke Design’, me bazë në Poloni, është bazuar nga Alfat e kohëve të fundit.

Sipas njohësve të automobilave luksozë, në këtë rast është kombinuar me mjeshtri të madhe bukuria, eleganca dhe fuqia sportive, transmeton Telegrafi.

Mbi të gjitha, modeli që po quhet me emrin e koduar Furia, është i inspiruar nga 33 Stradale dhe GTV Spider.

Vetura e prodhuesit italian pritet të përfshijë harqe të rrethuara mbi rrota, grillin e famshëm në formë trekëndëshe, si dhe linja të buta – që nga fillimi e deri në cepin e fundit.

Sa i përket pjesës së pasme, ajo që bie më së shumti në sy janë dritat e egra me LED, si dhe nxjerrësi i gazit që ka formë gjashtëkëndore.

Enterieri është i mbuluar kryesisht me lëkurë ngjyrë kafe, por edhe me metal që ka fibra karboni. /Telegrafi/