Është me rëndësi esenciale dalja nga kriza politike, për të cilën është i nevojshëm angazhimi dhe kontributi i të gjithë bartësve politik në arritjen e zgjidhjeve që do të shtojnë besim në proces, u pajtuan në takimin e sotëm, kryetari i OBRM-PDUKM-së, Nikolla Gruevski me diplomaten amerikane, Victoria Nuland, transmeton Telegrafi Maqedoni.

“Kryetari i OBRM-PDUKM-së, Nikolla Gruevski theksoi se zgjedhjet janë dalja e vetëm nga kriza e imponuar politike nga ana e opozitës, se OBRM-PDUKM i dëshiron dhe është e përgatitur për to, por e përmendi faktin se për të ndodhur ato është e nevojshme obligimi nga ana e opozitës se të gjitha kushtet për zgjedhje janë plotësuar, nuk ka pengesa për mbajtjen e tyre dhe se aty do të marrin pjesë të njëjtit, me qëllim që të mos krijohen ankesa për shtyrjen e tyre”, njoftuan nga OBRM pas takimit.

Gruevski iu falënderua për përkrahjen e deritanishme, SHBA-ve, me çka është kontraktuar një komunikim intensiv edhe në të ardhmen për të gjitha gjërat e interesit të përbashkët.