Drejtuesi i mjetit të grabitësve të 1 milionë eurove në Aeroportin e Rinasit është ose ka qenë punonjës i aeroportit, kjo është pista që dyshon dhe po heton grupi hetimor.
Këto dyshime kanë lindur pas analizimit të kamerave të sigurisë dhe lëvizjeve të mjetit. Mjeti i grabitësve ka përshkruar një itinerar që shumë veç personelit të aeroportit ka shumë pak të ngjarë ta dinë të tjerë, raporton “Panorama”.
Për këtë arsye, Prokuroria ka kërkuar nga TIA një listë të punonjësve që atë ditë kanë qenë pushim, dhe listë të ish-punonjësve.
Po kështu, janë marrë në pyetje edhe shumë banorë të zonës për ngjarjen, nëse kanë evidentuar ndonjë gjë të pazakontë para se të ndodhte grabitja.
Ndërkohë në përfundim të seancës së sotme prokuroria ka dhënë masën arrest me burg për 5 të pandehurit.
