Kryetari Komunës së Lipjanit Imri Ahmeti ka uruar të gjithë besimtarët me rastin e festës së Fitër Bajramit. Lusim Zotin që kjo festë e shënuar të jetë ditë e përforcimit të zemrave tona ndaj besimit, sakrificës dhe tolerancës, e të na shërbejë kjo festë si ri-thirrje që paqja, qetësia e toleranca të mbretëroje kudo në botë.

“Të dashur besimtarë të fesë islame kudo që ndodheni në emër të Komunës të Lipjanit dhe në emrin tim personal ju uroj festen e Fitër Bajramit.
Lusim Zotin që kjo festë e shënuar të jetë ditë e përforcimit të zemrave tona ndaj besimit, sakrificës dhe tolerancës, e të na shërbejë kjo festë si ri-thirrje që paqja, qetësia e toleranca të mbretëroje kudo në botë.
Uroj që në këtë ditë të shenjtë të harmonizohen vlerat e solidaritetit, dashurisë, respektit e tolerancës së ndërsjellët, të shtojmë dashurinë për njëri tjetrin e jo urrejtjen, të ndihmojmë e jo të pengojmë, të jemi solidar e jo egoist, të duam e përkrahim njëri tjetrin pa inate e xhelozi por me mirësi e respekt.
Dhashtë Zoti të mbizotërojnë vlerat pozitive përherë ndër ne. Urime“, thuhet në urim nga Ahmeti, transmeton LipjaniNews.