Gjenerata e re nga BMW, do të ketë veturë sportive që do të konkurrojë me modelin 911 nga Porsche.

Auto Magazine, e cila merret me të rejat e fundit të veturave, i ka siguruar disa imazhe që besohet të jenë veturës së re, me të cilën pritet të rivalizojë Porsche, transmeton Telegrafi.

Në fotografitë e publikuara, shihet vetura sportive shumë e gjerë, me linja të theksuara në mënyrë të butë, si dhe me një enterier të bollshëm.

Jo zyrtarisht mësohet se prodhuesi gjerman është duke bërë ndryshime radikale në motorët e veturave, që do të jenë në Serie 6, si dhe në Serie 8.

Këto vetura me nivel të lartë të luksit, pritet të jenë shumë më të shpejtë, të shkathët dhe komod. /Telegrafi/