Faton Topalli, deputet i Vetëvendosjes, ka thënë se janë të interesuar që të bashkëpunojnë me partitë tjera opozitare.

Në emisionin Rrokum Roll me Fidan Jupollin në Televizionin Rrokum, ai ka thënë se gazi lotsjellës në Kuvend nuk ka qenë veprim i dëshirës, por mundësi e vetme për të ndaluar “dy marrëveshjet e dëmshme për vendin”.

Ai ka paralajmëruar protesta, duke shtuar se me çdo kusht do të kundërshtojnë Asociacionin e Komunave Serbe dhe Demarkacionin me Malin e Zi. Ndërsa, shprehet se kjo Qeveri nuk do ta luftojë krimin pasi, sipas tij, pushteti është i lidhur me korrupsionin. /Telegrafi/