Në Midlands të Anglisë, një nënë me djalin e saj kanë hipur në shkëmb, por më pas nuk kanë mundur të zbresin.

Djaloshi nëntëvjeçar ka qenë duke luajtur, kur ka hipur në këtë pjesë të thepisur dhe është ‘ngrirë’, transmeton Telegrafi.

Nëna e tij është ngjitur menjëherë që ta shpëtojë djaloshin e zënë në panik, por më nuk ka ditur nga të lëvizë.

Ata janë shpëtuar nga zjarrfikësit, që janë lëshuar nga pjesa e sipërme e shkëmbit me litar dhe i kanë zbritur nga lartësia prej dhjetë metrash.

“Duket e lehtë të ngjitesh, por duhet të mendosh si të zbresësh. Në asnjë mënyrë mos u ngjitni në shkëmbinj, nëse nuk e keni afër ndonjë alpinist”, është një koment lidhur me fotografinë, që është shpërndarë në rrjete sociale. /Telegrafi/