Pesë vjet më parë, Lockheed Martin, kompania më e madhe amerikane e angazhuar në prodhimin e aeroplanëve dhe teknologjisë hapësinore, kishte pezulluar programin e zhvillimit të aeroplanit luftarak F-22 Raptor.

Fokus i ri i industrisë ushtarake amerikane është bërë aeroplani luftarak F-35, por deklaratat nga Pentagoni sugjerojnë se F-22, aeroplani i parë luftarak i gjeneratës së pestë do të fillojë sërish të prodhohet, transmeton Telegrafi.

Rikthimin e aeroplanit luftarak F-22, e ka paralajmëruar senatori republikan nga Ohio.

“Në epokën kur Rusia përbën kërcënim me rimëkëmbjen e vet dhe agresivitetin e shfaqur haptazi të Kinës, kërkimet e mëtejshme të zhvillimit të F-22 janë të nevojshme”, ka deklaruar Mike Turner në Kongres.

Edhe gjenerali i forcave ajrore amerikane Mark Welsh, ka paralajmëruar këtë mundësi.

“Nuk mendoj se është ide e keqe. Mendoj se performancat e këtij aeroplani dhe sukseset e ekuipazhit i kanë hapur rrugë idesë së rikthimit në ‘skenë’. Potenciali i këtij aeroplani është vërtetë i jashtëzakonshëm”, ka deklaruar gjenerali Welsh.