Autoritetet belge e kanë parë fotografinë e të dyshuarit për sulme në Paris Salah Abdeslam me flamurin e ISIS-it e postuar në Facebook tri ditë para sulmeve.

Siç njofton radiotelevizioni RTBF autoritetet belge kësaj fotografie nuk i kanë kushtuar kujdes të veçantë.

Edhe pse qendra kombëtare kundër kërcënimeve nga terrorizmi është lajmëruar për fotografinë në tetorin e vitit të kaluar, zyrtarët e sigurisë nuk i kanë kushtuar vëmendje.

RTBF po ashtu thuhet se e kanë ditur se Abdeslam në fillim të vitit 2015 ka qenë në kontakt me të dyshuarin për organizimin e sulmit terrorist në Paris Abdelhamid Abaud i cili ka qenë figurë e rëndësishme në ISIS, transmeton AFP.

Këshilli i Parlamentit e ka ditur se policia belge ka ndaluar së hetuari për Abdeslamin dhe vëllain e tij Brahim gjashtë muaj para sulmeve të Parisit edhe pse janë konsideruar të dyshuarit kryesor për terrorizëm.

Abdeslam është arrestuar më 18 mars në Bruksel ndërsa tash po pret fillimin e gjykimit në Francë.