Nëse ndonjëherë keni qenë kuriozë se si do të ndryshojë koncepti i udhëtimeve të gjata, kompania ajrore “Techninon Design” ka shpalosur projektin e saj më të ri.

Ata kanë ndërtuar modelin e një avioni pa dritare, me pamje panoramike. Pra, nëse do udhëtosh me të, do mund të shohësh gjithë pamjen e qiellit, reve, dukurive atmosferike, tokës ose deteve, që ndodhen poshtë teje.

Ose, më qartë, do të duket sikur po fluturon brenda një kubi prej xhami. Sipas dizenjuesve, cilësia e xhamit do të jetë shumë e lartë, me qëllim rezistencën nga rrezet e forta të diellit, stuhive të rrëmbyeshme të shiut, si edhe presionit të lartë të erës.

Në fakt, heqja e dritareve të avionit ka avantazhet e tij, sepse fillimisht redukton materialet, koston e ndërtimit, si dhe zvogëlon peshën e tij. Gjithashtu, në pjesën e jashtme të avionit do të montohen kamera për të kapur pamje nga më të ndryshmet.

Drejtori i projektit, Gareth Davies, në një njoftim për shtyp, modestisht tha se karakteri i projektit është i thjeshtë, pavarësisht se duket si diçka shumë luksoze. Avioni “IXION Windowless Jet” do të sfidojë udhëtimet aktuale dhe do të propozojë diçka pak më ndryshe, një adrenalinë më të madhe.