Njësiti i Policisë së Kosovës për Auto-Krimeve  ka arrestuar tre të dyshuar, serbë të Kosovës, mbi dyshimet për vjedhje të veturave dhe falsifikimit të dokumentacioneve. Gjatë këtij operacioni, të koduar “BMW X5”, i kryer në Lipjan dhe Graqanicë

Ky është njoftimi i plotë i Policisë së Kosovë:  

Me datën 12 maj 2016, Drejtoria për Hetimin e Krimit të Organizuar (DHKO), konkretisht Njësia e Autokrimeve, ka realizuar një operacion policor të koduar me emrin “BMW X5”, i cili kishte të bëjë dyshimet për vjedhje të veturave dhe falsifikimit të dokumentacioneve .
Operacioni policor është realizuar me urdhëresë të Gjykatës Themelore në Prishtinë, ku janë kontrolluar tri lokacione, në Komunën e Graqanicë dhe të Lipjanit.
Gjatë kontrollit të shtëpive të të dyshuarve, në njërën nga shtëpitë janë gjetur dhe konfiskuar:
·         4,262 kg substancë narkotike e dyshuar marihuanë,
·         Tri (3) palë targa,
·         Dy pajisje të veturave BMW, të cilat janë proceduar për verifikim.

Me këtë rast janë arrestuar tre persona të dyshuar:
·         S. S.                       lindur me 1980                     m/serb
·         M. A.                    lindur me 1984                     m/serb
·         M. J.                      lindur me 1984                     m/serb

Dy të dyshuarit e parë janë intervistuar dhe me vendim të prokurorit janë liruar në procedurë të rregullt, ndërsa i dyshuari i tretë me vendim të prokurorit dërgohet në mbajtje.