Një 36 vjeçar me profesion ushtar profesionist është gjetur i vdekur në Kavalishencë në Durrës.
G.D, 36 vjeç kishte shkuar me pushime me familjen e tij në Kavalishencë, por dje është gjetur i vdekur nga familjarët në ambientet e kësaj shtëpie pushimi.
Në vendngjarje mbërritën forcat e policisë ndërsa trupi i të ndjerit u transportua në morg.
Burime nga policia thanë për NOA.al se në trupin e viktimës nuk janë gjetur shenja dhune dhe sipas ekspertizës mjeko-ligjore, vdekja e 36 vjeçarit ka ardhur si rrjedhojë e një ataku kardiak, të provokuar nga vapa.
Ushtari profesionist prej disa ditësh ndodhej në Kavalishencë për pushime. Policia tha se po vijojnë hetimet për të zbardhur me saktësi këtë ngjarje.
