Kemi raportuar se aktori nga Kosova, Kushtrim Hoxha, do të luajë në serialin amerikan “Elementary”, përkatësisht në episodin e 19-të.

Episodi, në të cilin ai ka luajtur është transmetuar më 10 prill në kanalin televiziv CBS, me ç’rast ai është paraqitur në krah të aktores së famshme Lucy Liu, si edhe aktorit Jonny Lee Miller, njofton Telegrafi.

Kushtrim Hoxha për publikun e gjerë u bë i njohur me serialin “Familja moderne”, ndërsa ai merret edhe me muzikë.

Në fotografitë e mëposhtme, të publikuara nga aktori në Facebook, mund ta shikoni yllin tonë krahas dy aktorëve me nam botëror. /Telegrafi/